據地產站8月3日報導，踏入農曆7月，亦即是傳統的鬼節。而農曆七月十四，是鬼節鬼門關大開的日子，傳統人相信這時正時鬼門關大開的日子，故此不少人都會避免在這段時間睇樓或搬屋。不過如剛遇到「筍盤」，避無可避要睇樓時，有甚麼要注意呢？
玄學家尹國棟師父表示，農曆初一至十五為鬼門關大開的日子，陰氣極重，故多勸喻市民盡量不要在這段時間睇樓。不過，若果真的一定要在這段時間睇樓的話，最好先找師父夾時辰八字，找一個較好的日子去睇樓。
另外，尹師父亦為大家提供幾個鬼節睇樓小貼士傍身！
言行宜忌你要知
鬼節睇樓、入伙保平安、保安心妙法
１）攜同５歲以下的孩子睇樓，因他們的感覺較強。若他們入屋後，喜歡整個空間的話，為吉利也。另也可攜同狗隻，因狗隻本身屬陽，而且感覺靈敏。
２）可佩帶古玉、銅錢、法器在身，以保護自身。
３）入伙或收樓裝修前１至２天，於舊居用碌柚葉浸自來水，於新居順時針於全屋四角連同中心點（共五處）淨灑，以去單位可能積存的霉氣。
４）於香燭店購買拜四角需要用的衣紙，一般為五份，全屋四角連同中心點。另為每份衣紙各準備三個橙（代表金銀滿屋）、一個蘋果（代表平安）、一個紅蘿蔔（既有吉慶之意，也用來插香之用）。祭四角代表一種禮貌，向新屋內的靈界打招呼，請其離開，同時清理了上手的霉氣或不良的磁場。
此外，亦有不少玄學家提醒睇樓人士，要盡量在陽氣最盛的時間，如午時即上午11時至下午一時，不要超過申時（下午三時至下午五時）。最好可以叫地產經紀先到單位，打開窗戶讓陽光入屋，吹散陰氣。自己入屋時，先踏左腳入屋，因為左吉右凶，左陽右陰，雙腳亦不要踏上門檻。
新聞來源→ 按此瀏覽